தமிழில் கையொப்பம்

இன்று என் அலுவலக நண்பர் ஒருவர் (தமிழர்தான்) இட்ட கையெழுத்தை கவனித்து வியந்து போனேன்.. தமிழில் இட்டிருந்தார்.. அவரோட பேசப்பேச ஆச்சரியங்களும், என் மேல் கோபமும் வந்துது.. > சீனர்களின் கையெழுத்து பெரும்பாலும் சீன மொழியில்தான் உள்ளது.. பெரும்பாலும் உலகின் அநேக மக்களின் கையெழுத்தும் அவரவர் தாய்மொழியிலேயே > கைரேகை வைப்பது கூட கையெழுத்தாக ஒப்புக்கொள்கிறார்கள் (அதாவது, அதை விட சிறந்த சாட்சி இல்லை என்ற போதிலும், எழுத்தறிவில்லாத காரணத்தால்). நம் தாய்மொழிக்கென்ன குறை? > அரசாங்கக் கோப்புகளில் தொடங்கி, அவர் படித்த சான்றிதழ், கடவுச்சீட்டு (பாஸ்போர்ட்) வரை அனைத்திலும் அவர் கையொப்பம் தமிழில் தான் இருக்கிறது... ### என் கையெழுத்தையும் தமிழில் மாற்றிக்கொள்ளப்போகிறேன்.. (ஏகப்பட்ட கோப்புகளை மாற்ற வேண்டும், கடவுச்சீட்டு முதல் எத்தனையோ, இருப்பினும் தமிழுக்காக) தமிழன் என்று சொல்லிக்கொண்டு ஆங்கிலத்தில் கையெழுத்திடுவதில் எனக்கே சற்று அவமானமாய் இருக்கிறது.. தமிழர் என்று சொல்லுவோம்.. தமிழராய் வாழ்வோம்.. நம் அடையாளம் அதுவே..