குறியீடு என்பது

குறிப்பான் குறிப்பீட்டைப் பிரதிபலிக்காததாகவும் இடுகுறித் தன்மையோடும் அல்லது முழுமையான மரபுசார்ந்ததாகவும் இருப்பதன் உறவை அறியக்கூடிய ஒன்றாக இருக்கும் நிலை இது.(உதாரணம் தேசியக் கொடி, ஓர் எண், போக்குவரத்து விளக்குகள், ‘நில்’ என்ற சொல்)
குறியீட்டு முதலீடு:பியர் போர்தியு பல்வேறு வகையான ‘முதலீடு’களைக் குறித்து கூறுகிறார்-பொருளாதார, கலாச்சார, சமூக, குறியீட்டு முதலீடுகள் என்று அவற்றை வகைப்படுத்துகிறார். ’குறியீட்டு முதலீடு’ என்பது தனிப்பட்ட நபர் அல்லது குழுவின் பரிமாற்றத் திறமையாகவும் அது கல்விப் புலத்தோடு உறவுகொண்டதாகவும் இருக்கும். குறியியல் சொற்களில் சொன்னால், சில சங்கேதங்களை அணுகும் வகைமையையும் பயன்பாட்டையும் குறிப்பதாகவும் குறியீட்டு முதலீடு உள்ளது.

குறியீட்டு வரிசை: ‘குறியீடு’ என்பது லக்கானின் சொல். சொல் மொழியில் குழந்தை தேர்ச்சிப் பெறும் பொதுப் புலத்தைக் குறிக்கும் கட்டத்தை இந்தச் சொல் குறிக்கிறது. தனித்துவத்தின் ஒரு வரிசையும் தன்னாட்சியும் மொழியியல் மரபுகளின் தடைகளிடம் புகலிடம் அடைந்து சுயம் நீர்த்துப் போய் நிலையான உறவார்ந்த அலகாக இல்லாமல் தெளிவற்ற உறவுடைய குறிப்பானாக இருப்பதாகும். அமைப்பியலாளர்கள் மொழியைத் தீர்மானமான தன்னிலையாகக் கொண்டு கற்பனை மீது அல்லாமல் குறியீட்டின் மீது கவனம் செலுத்தினார்கள்.

கிடைக்கோட்டு ஆய்வு: ஓர் அனுபவ நிகழ்வை ஒரு குறிப்பிட்ட காலத்தில் உறைந்துவிட்டது போல் கொண்டு செய்யும் ஆய்வு கிடைக்கோட்டு ஆய்வாகும்(உதாரணமாக சங்கேதம்). அமைப்பியல் குறியியல் குத்துக் கோட்டு ஆய்வு அல்லாமல் கிடைக்கோட்டு ஆய்வின் மீது கவனம் செலுத்துவதால் அது வரலாற்று ஆதாரங்களை அது விட்டுவிடுவதாக விமர்சிக்கப்படுகிறது.

கிடைக்கோட்டு தொடர்புறுத்தம்: கிடைக்கோட்டு தொடர்புறுத்தத்தில் அதில் பங்கெடுப்பவர்கள் ‘இயல்பான நேரத்தில்’ தொடர்கொள்ள முடியும். அதில் குறிப்பிடத்த தாமதங்கள் இருக்காது. இந்த அம்சம் பிரதியின் படைப்பாளர்களுடைய இருப்பு அல்லது இன்மையை ஊடகத்தின் தொழில்நுட்ப அம்சங்களோடு இணைக்கிறது. கிடைக்கோட்டு தொடர்புறுத்தம் தனிநபர்களுக்கு இடையிலான தொடர்புறுத்தமாக இருக்கிறது.

ஆகுபெயர்:பேச்சின் அணியாக இருப்பது. முழுமையைக் குறிக்கும் பகுதியாக பதிலீடாவது. ஓர் இனத்தைக் குறிக்கும் வகைமை அல்லது வகைமையைக் குறிக்கும் இனம் என்பதாக வருவது. இதனை உருவகத்திலிருந்து சில கோட்பாட்டாளர்கள் வேறுபடுத்துவதில்லை.