அது என்னுடன் வருகிறது என்னைப் போலவே நடக்கிறது
என்னையே பிரதிபலிக்கிறது
ஒரு நேரம் இருக்கிறது
ஒரு நேரம் மறைந்துவிடுகிறது
இருந்தும் இல்லாமலும்
அது வேடிக்கை காட்டுகிறது
எனக்குள் இருக்கும் இருட்டை போல அது கருப்பாக இருக்கிறது
நான் பேசும்போது என்னைப்போலவே உதடுகளை அசைக்கிறது
அது என்னுள் சமாதி நிலையில் இருக்கிறது
என் மீது ஒளி பட்டு தெறிக்கும் போது
தியான நிலையில் இருந்து வெளியேறுகிறது
என்னைப் போன்று அது இருப்பதாக ஒருபோதும் கூறியதில்லை
நான் நினைத்துக் கொள்கிறேன் அது என்னுடைய பிம்பம் என்று
என்னுள் படிந்திருக்கும் துயரத்தையும் சோகத்தையும் கண்ணீரையும்
தனிமையையும் அது உணர்ந்திருக்கவில்லை
அது ஒரு ஒளி விளையாட்டு வேறொன்றுமில்லை
என் நிழல் பெரு மரத்தின் பெரும் நிழலைப் போல இளைப்பாறுதலை
கொடுப்பதில்லை
என் நிழல் என்னுடன் வீணாகவே வசிக்கிறது..
No comments:
Post a Comment