ஒவ்வொரு தமிழரும் படித்து பெருமிதத்தால் விம்ம வேண்டிய ஒரு பாடல்!!

 நாம் யார்? நமது மரபு எத்தகையது என்பதற்கு சான்று.

சோழன் செங்கணானிடம் போரில் தோற்ற சேரமன்னன் கணைக்கால் இரும்பொறை சிறை பிடிக்கப்படுகிறான். குடவாயிற் கோட்டத்துச் சிறைக் கொட்டடியில் அவனுக்கு தாகம் எடுக்கிறது. சிறைக் காவலன் அசட்டையாக தாமதம் செய்து தண்ணீர் தருகிறான். அவமானத்தை உணரும் இரும்பொறை எழுதிய பாடலின் பொருள் :

இறந்துப் பிறக்கும் குழந்தையை கூட அப்படியே புதைத்து விடாமல் வீர மரபில் பிறந்தது என்பதற்கு அடையாளமாக அதன் மார்பை வாளால் கீறி புதைக்கும் வீரத் தமிழ் மரபில் வந்த வீரன் தனக்கு அசட்டையாக நீரையும், உணவையும் தரும் பகைவனிடம் பிச்சை கேட்டு உண்பான் என நினைக்கிறாயா? என்று கேட்டு விட்டு உணவும்,நீரும் உண்ணாமல் வடக்கிருந்து உயிர் நீப்பதை விவரிக்கும் பாடல் வரிகள்.

உலகின் எந்த இனமும் இவ்விதமான பாடல் பெரும் பாக்கியத்தை பெறவில்லை.பாடல் வழி இன்னமும் வென்று வாழ்கிறான் இரும்பொறை.

அவமானத்தை உணரும் இரும்பொறை எழுதிய பாடல்,

திணை : பொதுவியல் துறை; முதுமொழிக் காஞ்சி 'தாமே தாங்கிய தாங்கரும் பையுள்' என்னும் துறைக்குக் காட்டுவர் இளம்பூரணர்

"குழவி இறப்பினும், ஊன்தடி பிறப்பினும்,
ஆள் அன்று என்று வாளின் தப்பார்
தொடர்ப்படு ஞமலியின் இடர்ப்படுத்து இரீஇய
கேளல் கேளிர் வேளாண் சிறுபதம்,
மதுகை இன்றி, வயிற்றுத் தீத் தணியத்,
தாம் இரந்து உண்ணும் அளவை
ஈன்ம ரோ, இவ் உலகத் தானே?"

சேரமான் கணைக்கால் இரும்பொறை என்பவர் சங்க காலத்து இரும்பொறை மரபைச் சேர்ந்த ஒரு புகழ்பெற்ற சேர குறுநில மன்னர் / வேந்தர் ஆவார். பழந்தமிழர்களின் உன்னதமான தன்மானத்திற்கும் வீரத்திற்கும் அடையாளமாக இவர் வரலாற்றில் திகழ்கிறார்.

அவரைப் பற்றிய முக்கிய வரலாற்றுத் தகவல்கள் கீழே தொகுக்கப்பட்டுள்ளன:

1. மூவனுடன் போர்

• கொங்கு நாட்டில் வாழ்ந்த மூவன் என்ற குறுநிலத் தலைவன் இவரை இகழ்ந்து பேசினான்.
• இதனால் சினமுற்ற கணைக்கால் இரும்பொறை, மூவனுடன் போரிட்டு அவனை வென்றார்.
• அவனது பற்களைப் பிடுங்கித் தன் தொண்டி நகரக் கோட்டை வாயில் கதவில் பதித்துத் தன் வீரத்தை நிலைநாட்டினார்.

2. சோழனுடன் போர் மற்றும் சிறைவாசம்

• இவருக்கும் சோழ நாட்டை ஆண்ட சோழன் செங்கணான் என்ற மன்னருக்கும் இடையே கழுமலம் (திருப்போர்ப்புறம்) என்ற இடத்தில் கடுமையான போர் மூண்டது.
• இப்போரில் சேரமான் கணைக்கால் இரும்பொறை தோல்வியுற்றார்.
• சோழ மன்னன் இவரைச் சிறைப்பிடித்து, குடவாயிற் கோட்டத்துச் சிறையில் அடைத்தான்.

3. தன்மானம் காத்த உயிர் துறப்பு

• சிறையில் இருந்தபோது இவருக்குக் கடுமையான தாகம் எடுத்தது.
• சிறைக் காவலர்களிடம் தண்ணீர் கேட்டபோது, அவர்கள் இவரை இழிவுபடுத்தும் விதமாகப் பாராமுகமாய் மிகக் காலம் தாழ்த்தித் தண்ணீர் தந்தனர்.
• ஒரு அரசராக இருந்து கொண்டு, காவலர்கள் பிச்சையிடுவது போலத் தந்த அந்நீரைக் குடிக்க இவரது தன்மானம் இடம் கொடுக்கவில்லை.
• மனம் நொந்த மன்னர், தண்ணீரைப் பருக மறுத்து, தன்மானத்தை விளக்கும் ஒரு புகழ்பெற்ற பாடலை எழுதி வைத்துவிட்டு சிறையிலேயே உயிர் துறந்தார்