இன்டர்வியூ
கிளம்பிக் கொண்டிருந்தேன்..
"இந்த சட்டை ராசியே இல்லை
வேற போட்டுப் போ"
என்றாள் அக்கா..
"கம்பெனியப் பத்தி
எல்லா டீடெயில்ஸையும்
வெப்- சைட்ல
பாத்துட்டியா" என்றான் அண்ணன்..
"சரியா பஸ் புடிச்சு
டைமுக்குப் போய்ச் சேரு "
என்றார் அப்பா...
"இப்பெல்லாம் ஜாவாலதான்
ஜாஸ்தி கேள்வி
கேட்கறாங்களாம்" என்றான் தம்பி...
ஒரு
நூறு ரூபாயை அதிகமாகக் கொடுத்து
"பசியோட வராதே
வர்றப்ப
ஏதாவது ஒரு நல்ல ஹோட்டல்ல
ஃபுல் மீல்ஸ்
சாப்பிட்டுட்டு வந்துரு "
என்றாள் அம்மா..
No comments:
Post a Comment