வந்துவிடு ஹைக்கூவே !!!

கவிஞர்களின்
சோம்பலுக்கு
பிறந்திருக்கலாம்
ஹைக்கூ.. ..!

வெட்டியமரத்தோடு
கொண்டுபோனார்கள்
நிழலையும் சேர்த்து.

-காவனூர். ந. சீனிவாசன்

கடலில் கால் நனைத்தேன்
கண் முன் விரிந்தது
வானம்.

-முனைவர் எ.மு. ராஜன், புதுச்சேரி

இறந்த பல்லி
ஊர்ந்து செல்கிறது
எறும்புகளின் கால்களால்.
*
கி.சார்லஸ்

கண் வழி புகும்

ஈக்கள்; அமைதியாய்
காவல்பொம்மை
●
பயமுறுத்தக் காட்டினேன் 
அய்யனார் அரிவாளை
பிடிங்கி விளையாடியது குழந்தை
●
ம.ரமேஷ்

முடிந்திருந்த விசேஷம்
நிலவினை அள்ளி
பாத்திரம் துலக்கும் மனைவி.
*
கி.சார்லஸ்

பள்ளம் காட்டி
மிரட்டுகிறது
மலையுச்சி.

-காவனூர் ந.சீனிவாசன்

வற்றிய நதிக்கரையில்
துள்ளிக் குதித்தது
மணல் லாரியிலிருந்து நீர்.
●வாலிதாசன்.

ஈச்ச மரத்திலிருந்து
விழுகின்றன; யாரோ
எப்போதோ எரிந்த கற்கள்
●
பிச்சைப்பாத்திரம் 
பளபளப்பாய் இருந்தது
பெளர்ணமி நிலவு
●
நடக்காததையெல்லாம்
நடப்பதாய்ச் சொல்லும் கிளி
தலையாட்டிக் கொண்டு நான்
●
ஒட்டடை பிடித்திருக்கும்
கோவில் மணி; ஒலிக்கும்
சுருதி சுத்தமாய்
●
சவ வீட்டின் முன்
பிடித்துவிளையாடும் சிறுவர்கள்
உதிரும் ஆலம் இலைகள்
●
மார்கழிப் பனி
நடுநடுங்கி ஒலிக்கிறது
கீறள் விழுந்த திருப்பாவை
●
கழுவி துடைத்த வீடு
தூசிகள் எழும்பும்
கூரையினுள் நுழையும் ஒளி
●
கோடைகால இறுதி
கிணற்றுப் பாறை இடுக்கில்
கூடு கட்டும் குருவி
●

ம.ரமேஷ்

அடகுவைத்த மோதிரத்தின் 
அடையாள அச்சு
விரலில் குளிர்கிறது
● 
ரயிலில் 
கோடிகளை விற்றுக் கொண்டிருந்த
முதியவரின் சட்டைக் கிழிசல்

புகையும் சிகரெட்

ஊர்ந்து செல்லும் கடிகார முள்

தனிமை

குறித் தவறாமல்

புறப்பட்டு விட்ட அம்பு

பறக்க எத்தனிக்கும் பறவை

வற்றிய குளம்
வந்து வந்து போகும்
மீன் கொத்தி !

கிளி கொத்தி
விட்டுப் போன பழத்தில்
சுதந்திர புழுக்கள் !

சர்க்கஸ் கோமாளியின் மனைவி
கடைசி வரிசையில்.
நிறைய விழிநீர்.

● நா. விச்வநாதன் ● முள்ளில் அமரும் பனித்துளி

என் பார்வையை
இழுத்துச் செல்கிறது
சுவரேறும் கட்டெறும்பு

ஈரக் கல்லறை,
எல்லோரும் கலைந்தபின்
தனியே ஒரு நாய்!