பார்த்துப் பழகு

என்றைக்காவது சூரியனுக்கு
முன்னதாக
எழுந்திருக்கிறாயா?
கிழக்கில் சந்தனமும் தங்கமும்
ஒன்றாய்
கொழுந்து விட்டெரியும் அற்புத
காட்சி!
அது என்ன புற்களில் பனித் துளியா?
இல்லை...
சூரியனின் வருகைக்காக உழைத்த
விடியலின் வியர்வைத் துளி!*

*ஒரு மரத்தின் கிளையில்
குருவி ஒன்று
உடலில் தலைபுதைத்து
உதறிக்கொள்ளும் உற்சாகமாய்...*

*எல்லாம்
உழைத்துக் கொண்டு தானிருக்கிறது *
*தூங்கிக் கொண்டிருக்கும்
மனிதனைத் தவிர...
நட்புடன்...
ரேவதி