தொலைக்காட்சியின் மூழ்கிய
தருணங்களில் சரியாய்
கவனிக்கப் படாமல் விடப்படுகின்றன பல!
பால்காரன், அழைப்பு மணிச் சத்தம்,
பள்ளி சென்று திரும்பிய குழந்தையின் பசி,
மாமனாரின் 6 மணி சிறிய தேநீர்,
கணவனின் அலுவலக
அலைச்சலின் சிறிய பரிமாற்றம்,
செல்லப் பிராணியின் எஜமான் தேடல்,
மங்கத் தொடங்கும் சூரியனின்
செந்நிற வானம், புத்தகம் திறக்கும்
பள்ளிக் குழந்தையின்
சின்னச் சின்ன சந்தேகங்கள்,
தினம்தோறும் மாலையில்
வெளிவரும் சூடான செய்திகள்,
புத்தகக் கண்காட்சியில் புதியதாய்
வாங்கிய பிரபல எழுத்தாளரின் புத்தகங்கள்,
இப்படியாய் அடுத்த தொடருக்கு
கவனமாய் அழைத்து செல்லப்படுகிறது
நவீன குடும்பப் பெண்களின் நாகரீக
வாழ்க்கை...
நட்புடன்
தங்கமணி.P
No comments:
Post a Comment