நீ பிரிந்து சென்றபோது முத்தங்களை
வழங்கத் தவறவிட்டது குறித்து ஆழ்ந்த வருத்தங்களை
உன் கோபச்சொற்களில் நிரப்பிவிட்டுப் போனாய்
கொடுக்கத் தவறியதால் உன் சிவந்த முகத்தின் அழகை
ரசித்ததை அறிந்திருக்கமாட்டாய்
என் மீதான ஆழ்ந்த காதலை
கொடுக்காத முத்தங்களின் வழியேதான் அனுபவிக்கிறேன்
இந்நேரம் உதடுகளால் உன் உதடுகளை நனைக்கும் பொழுதுகளை
கற்பனை செய்துகொண்டிருப்பாய்
அவ்வேளை உன் சொர்க்கத்திலிருக்கும்
இளம்கொடிகளால் ஆன ஊஞ்சலில் ஆடி மகிழ்ந்திருப்பாய்
என் ஆடைகளின் பொத்தான்களை மெள்ள அவிழ்த்து
என் மீது உன் உடலால் நீந்தி என் சிப்பிகளைத் திறந்து
ஒளிரும் முத்துக்களை சுகித்துக்கொண்டிருப்பாய்
தனித்திருக்கும் உன்னிடம் இல்லாத நான் இருந்துகொண்டிருப்பேன்
யாவும் கொடுத்தனுப்பாத முத்தங்களால்
நிகழ்த்துகொண்டிருப்பவை என்பதை அறிகிறாயா
எப்படியாவது தேற்ற முனைகிறபோது
உன் ரெளத்திரம் கடலைக் கவிழ்த்தாலும்
அணையாத நெருப்பாய் இருப்பதை அறிவேன்
பிரிவின் வலியில் நீ கரைந்து சொட்டுவதுபோல
கோடை வெயிலில் தகிக்கும் என்னுடலாய்
உருகிக் கரைந்து சொட்டுகிறேன்
நீயும் நானும் பார்த்தும் பேசாத இந்த நாட்களைச்
சபித்துக்கொண்டிருக்கிறேன்
உன் பார்வையில் உன் ஒரு சொல்லில்தான்
என் ஆயுட்காலம் நீள்கிறது…
IYYAPPA MADHAVAN
No comments:
Post a Comment